Chapter 46 FBBF

 

Chapter 46  FBBF  

 

 

Third Person's  POV

 

"Kaylangan nyo pong sumama sakin, kaylangan po kayong makita ni Daddy, kung hindi ay magpapakasal na sya sa iba."  Sabi ng bata sa kanya.  Muli nya itong tinignan at maaaninag sa kanya ang pagtataka.  

Yung itsura ng bata, para bang matagal na nya itong nakita.  Gusto man nya itong alalahanin ay sumasakit lang lalo ang ulo nya. 

"Kilala mo ba ako?"  tanong nya sa bata.

"Opo, kayo po ang Mommy ko."  Nakangiti ng tugon sa kanya ni King.

"Pano mo naman nasabi?"  dagdag nya pa.

"Ikaw po ang nasa picture na kasama ng Daddy, ni Ate at ni Kuya."  Sabi sa kanya ng tatlong taong gulang.

"Mommy, ihatid nyo nalang po ako sa amin, I can give you my exact address.  Please po"  hawak-hawak na sya ng bata sa kanang kamay.  Dahil sa marami din syang tanong na gusto nyang masagot, tumayo sya at nagpatangay sa panghihila sa kanya ng bata.

 

 

Jayden's  POV

 

"Kasalanan nyo po ito Daddy, kung hindi po sana ninyo sinabi na papakasalan nyo ang babae na yun, hindi sana nawawala ngayon si King"  iyak na sabi sakin ni Drew.

"DREW! STOP IT!"  si Yosh.

"Hindi mo dapat sinasabihan ng ganyan ang Daddy mo!"  si Mama.

"Kayo po Lola, hindi ba kayo din po ang nagtutulak kay Daddy na magpakasal?  Diba ikaw din ang pumipi----

"DREW!"  nakita kong nakatayo na si Yosh.  Tinitigan nya lang ito ng masama at maya-maya pa ay nakita kong tumakbo sya paakyat ng kwarto habang umiiyak.

Kasalanan ko talaga lahat ng ito.  Kung sana ay naging malakas lang ako hindi sana ganito ang mangyayari.  Alam ko na sa simula pa lang ay ito na talaga ang magiging reaksyon ng tatlo.  Bakit ba ang tanga-tanga ko.   Yoshabel, kung nasaan ka man, please, bantayan mo ang anak natin.  Alam kong hindi mo sya papabayaan. 

"Tignan mo na ang inasal ng anak mo na babae?  I told you Jayden, kaylangan na talaga nilang magkaroon pa ng tatayong ina."  Si Mommy habang hawak-hawak nito ang noo at nakapikit.

"Hindi po masama ang ugali ng kapatid ko!"  nakatingin lang sa sahig si Yosh habang sinasabi iyon. 

"Isa pa, masaya naman kami kahit walang tumatayong ina para sa amin, dahil naaalagaan kami ng Daddy!"  napatingin ako kay Yosh.  Nakikita ko ang pagtaas-baba ng balikat nito.  Umiiyak sya.  Nakita kong lumapit si Mama dito.

"Apo, syempre, kaylangan din namang sumaya ng Papa mo, kaylangan din nya ng magmamahal sa kanya."  Rinig kong paliwanag nya dito.

"Bakit po?  Hindi po ba namin sya napapasaya?  Hindi nya po ba nararamdaman na mahal na mahal namin sya?"  si Yosh.

"No no no, hindi ganoon ang ibig kong sabi---

"Daddy!"  tumakbo palapit sakin si Yosh na umiiyak at yumakap sakin.

"Nahihirapan ka na po ba samin?  Daddy!"  si Yosh  "Hindi mo na ba kami mahal?  Ang mommy, hindi mo na po ba sya mahal"  patuloy pa rin sya sa pagiyak sa mga bisig ko.

"No!  Hindi totoo yan"  hinihimas ko ngayon ang ulo nya.

"Mahal na mahal ko kayo.  Kapag nawala pa kayo kay Daddy, mawawala na rin sya."  Sabi ko pa dito.  "Kapag nawala ang isa sa inyo, sobra akong malulungkot"  dagdag ko pa.  At niyakap ko sya nang sobrang higpit.

......

 

Third Person's POV

 

Napansin ko ang bata na unti-unti nang pumipikit ang kanyang mga mata.  Nakasakay kami ngayon sa taxi at pauwi sa bahay nila.

"Ilang taon ka na nga pala at ano ang buong pangalan mo?"  tinanong ko sya para naman hindi sya makatulog.  Hindi kasi sya pwedeng makatulog, hindi ko alam kung saang bahay ko naman sya dadalhin.

"My complete name is King Andrew Montereal, I'm 3 years old"

"Ano?  Tatlong taon ka pa lang?"  gulat na sabi ko sa kanya.  Totoo naman ehh, hindi halata sa paraan kung paano sya magsalita at kumilos.  Ganun din ang pisikal na katawan nito.  

"Bakit?  Mukha na po ba akong matanda?  Hindi naman po diba?"  pagtataka nyang sabi.

"Hindi naman, ang gwapo-gwapo mo nga ehh"  pagmamalaki ko sa kanya.

"Syempre, mana po ata ako kay Daddy"  sabay pogi sign pa sya at pikit pa ang kanang mata nito.  Kita mo nga naman, kahit ba sobrang antok nang batang ito ay ganito pa rin ito kabibo.

"Bakit ka nga pala napadpad sa parke malapit samin?" usisang tanong ko sa kanya.

"Tumakbo po kasi ako palayo samin, ang Daddy kasi, magpapakasal na sya sa iba."  Nalungkot ang hitsura nito habang sinasabi iyon.  "Pero syempre hindi na po iyon matutuloy kasi nandito kana"  sabay tingin nya sakin.

"Kapag nakita nyo po ang Daddy, baka po maalala nyo po sya, gwapo yun, matangkad, maputi, may abs at muscle kaya nga po maraming nagkakagusto dun"  bibong dagdag pa nito.  Kung pabidahan lang siguro ang labanan dito, tyak ay panalo na 'to, grabe lang kung itaas nito ang Daddy nya ehh.  Natatawa kong naiisip.

"Eh bakit ayaw mo namang makasal ang Daddy mo?"  tanong ko ulit sa kanya.

"Alam ko po kasi at nararamdaman ko na darating ka pa po at iyon ang sabi ni Daddy, ikaw lang po ang gusto kong Mommy, alam mo po, ang ganda-ganda mo sa picture, kaya siguro nagkagusto sayo si Daddy, at mas maganda pa po pala kayo sa personal."  Sabi nya.

"Kasing ganda nyo rin po ang gusto kong maging girlfriend" dagdag pa nito habang nakangiti.

"hehehheh" natatawa nalang ako.  "Pero syempre, dapat daw po ay magaral muna akong mabuti, kaso..."  napahinto sya at pinagdikit ang dalawang braso sa dibdib, magkasalubong pa ang kilay nya hah.

"Kaso ano?"  tanong ko sa kanya.

"Mukhang mahihirapan akong magka-girlfriend agad"  seryoso nyang sabi.  Seriously???   At his very young age, 'yon na agad ang problema nya?  Sige na nga sakyan ko nalang sya.

"Bakit naman?  Eh gwapo ka naman ahh?"  sabi ko sa kanya.

"Alam ko po naman yun ehh, hindi naman yun ang problema ko, sa totoo lang, ang dami nga pong nanliligaw sakin sa school."

Reaksyon ko?  NGANGA!!! Ang hangin ng batang to ahh, anu-ano bang tinuturo ng ama nito dito.  

Sige, sasakyan ko pa sya para lang di makatulog.

"O eh ano namang problema mo?"  usisa ko dito.

"Si Daddy kasi ehh, ang sabi nya, pwede lang daw akong mag-girlfriend kapag nalagpasan ko ang kagwapuhan nya at kamachuhan nya.  Ehh parang matatagalan pa bago ko sya malagpasan ehh" 

Alam mo yung gusto ko na talagang humagalpak sa tawa kaso hindi ko magawa kasi naman, seryoso sya sa mga sinasabi nya ehh.  Seryoso din ang itsura ng batang ito.

"Eh di hintayin mo nalang na tumanda o maging lolo ang Daddy mo,,tyak ako na magagwapuhan mo sya dun"  pagbibiro ko dito.

"Hala, ayoko po nun."  - King

"o bakit naman?"  - ako

"Eh baka po kunin sya samin ni Lord agad, ayoko po mangyari yun"  sya.

"Bahala ka nga dyan."  Sabi ko sa kanya.  "Mag-isip ka nalang ng iba pang paraan para malagpasan mo ang Daddy mo!"  inayos ko na ulit ang upo ko sa taxi.

Ilang sandali pa ay nananahimik na sya, nilingon ko sya at nakita ko na pabagsak na talaga sya.  Nakapikit na nga ang mga mata nito at pabagsak na ng pabagsak ang ulo nya.

Lumapit ako dito at inalalayan ko syang mahiga sa mga hita ko.  Walang pagpupumiglas naman syang sumunod sa ginawa ko.

Maya-maya pa ay narinig ko nang magsalita ang driver.

"Mam, nandito na po tayo sa address na binigay nyo."  Tiningnan ko naman ang bahay, mali hindi pala ito bahay, Mansyon o palasyo ata ang tamang sabihin.  Grabe, tama ba ang binigay na address ng batang 'to?  Baka naman nanggu-gudtym lang sya.  Tinignan ko naman ito pero halatadong tulog na tulog ito sa sobrang pagod narin siguro.  Inabutan ko na ng bayad and driver at binuhat ko na sya. 

Grabe lang ang bigat ng batang to ahh.  Akalain mong 3 years old pa lang ehh ganito na to kalaki.   Tulog mantika pa, hindi man lang nagigising o nagagambala sa pagbubuhat ko sa kanya.

Nakita ko namang umandar na paalis ang taxi at heto ako ngayon, nakatayo sa tapat ng mataas na gate ng mansion.

Agad ko namang nakita ang doorbell at pinindot iyon.

Pagkapindot ko nito, ay agad naman na parang may makina na tumunog at nilabas nito ang isang parang cctv.  Tinignan ko naman iyon.

Agad na bumukas ang gate.

"Mam Yoshabel?"  isang matandang guard ang tumambad sa harapan ko.  Ako ba ang tinutukoy nya?  Pero pamilyar ang pangalan na narinig kong tinawag nya.  Tumingin ako sa likuran ko pero ako lang naman ang tao dito kasama ang batang karga-karga ko.

"Tumuloy po kayo at pumasok sa loob"  sabi nya sakin.  

"Ahh hindi na po, tatanong ko lang sana kung dito nakatira ang batang ito."  Sabi ko sa kanya.

"Sya po ang Senyorito, pasok po kayo sa loob dahil nandoon po sila at kanina pa sya hinahanap, mabuti pa po at kayo na ang maghatid sa kanya."  Tuluy-tuloy na sabi nito sa kin.

Hihindi na sana ako pero bigla na lang nya akong hinila kaya wala na akong nagawa.

"Tuluy-tuloy lang po kayo nandyan lang po sila at naghihintay sa bata."

 

 

Jayden's  POV

 

"Hindi po ako kakain hangga't wala ang kapatid ko"  sabi sakin ni Drew.

"Drew naman, wag mo nang dagdagan pa ang paghihirap ko, we're doing our best only to find King"  pagmamakaawa ko sa kanya.  Ang hirap talagang amuin nitong babaeng to. 

"Drew, iha, wag mo nang pahirapan pa ang Daddy mo"  dagdag ni Mama.

"Eh kung ako po ayokong kumain, ano nalang ang nararanasan ni King ngayon?  Walang makain?  Paano po kung magutom sya, Daddy, ayoko pong maranasan nya iyon, ang bata bata pa nya para maranasan iyon."  Litanya pa nito.

"AHH EHH, MAWALANG GALANG NA PO, KAMAG-ANAK PO BA NINYO ITONG BATA?"  sabay-sabay kaming napatingin sa pinanggalingan ng boses na iyon.

....

Author's corner:

Na-post ko na po ang Prologue ng "One Poor Prince"  wala lang, baka gusto nyo lang pong basahin.  Please give it a try.    One Poor Prince is Jayden Yosh Montereal's story.  Twice to thrice a week po lagi ang update ko. 

To Glamar28 salamat sa pagappreciate :-)