Chapter 6-OPP

Chapter 6

 

 

 

Marissa's  POV  (Xander's mother)

 

"Gising ka pa rin hanggang ngayon, may gumugulo ba sayo?"  tanong ko dito habang nakititig sya sa kawalan.  Halatang malalim ang iniisip nito.

 

Tiningnan lang ako nito at muling binalik ang tingin sa kalawakan.  Lumapit ako at umupo sa tabi nya.

 

"Nay, kaylan mo ba masasabi na mahal mo na ang isang tao?"  nabigla ako sa tanong nya.  Pero natutuwa ako dahil sya na mismo ang nagbukas nito para pag-usapan namin ito.

 

"Para sakin, kapag lagi kang masaya kung kasama mo sya, gusto mo sya laging nakikita, at kapag bumibilis ang tibok ng puso mo kapag malapit sya sayo o kaharap mo sya."  Natatawa kong sabi.

 

"Bakit po kayo tumatawa?"  tanong nito sakin.

 

"Bakit masama ba?  Masaya lang naman ako para sayo dahil mukhang may babae nang nakahuli sa Xander ko!"  sabi ko sa kanya. 

 

"Sige nga, sino ba ang maswerteng babae?"  pang-uusisa ko sa kanya.

 

Tumingin sya sakin na halatang-halata sa kanya ang pamumula ng mukha.

 

"Si Cielo po"    Nabigla ako sa sinabi nyang pangalan.

 

"Iho, bakit sya pa?"  malungkot na sabi ko dito.

 

"Alam ko po Inay, pero wala ehh, sobra ata akong natamaan sa kanya!"   

 

"Masasaktan ka lang.  Iho, pwede bang iba na lang, iwasan mo sya hangga't maari?"  alam ko ang panganib na maari nyang kaharapin kung ipagpapatuloy nya lang ang pag-ibig nya dito.

 

"HINDI KO PO KAYA NAY."  tumaas na ang boses nito.

 

"Hindi mo kilala si Don Frederico, ayokong mapahamak ka!"  nag-aalala ko nang sabi.

"Pero Nay kaya ....

"GUSTO KONG IWASAN MO SYA ANAK!   HABANG MAAGA PA, GUSTO KO NANG PUTULIN MO ANG NARARAMDAMAN MO SA ANAK NYA!"  hindi ko na sya pinatapos sa pagsasalita pa at iniwan ko na sya kung saan sya nakaupo.

 

 

Third Person's  POV

 

"Iho, pwede ba kitang makausap?"  nilingon ni Xander ang boses ng taong nagsalita mula sa likuran nya at nakita nya si Don Frederico na may hawak na baston sa kaliwang kamay.

 

Sabado ngayon at nasa hacienda sya  ng mga Villazar, tuwing sabado at linggo kasi ay nagtatrabaho sya sa hacienda para na rin sa dagdag allowance na binibigay nito sa kanya.  Kinuha nya ang towel mula sa balikat at pinunas ito sa mukha at katawan.

 

"Ano pong maipaglilingkod ko sa inyo?"  magalang na tanong nya.

 

"Didiretsuhin na kita,  hindi ko gustong napapalapit ka sa anak ko Xander.  Simula ng dumating sya dito, puro pangalan mo nalang ang bukam-bibig nya."  simula ng Don.  Kinuyom ni Xander ang kamao nya sa galit dahil alam na nya ang gusto nitong iparating.

"Mataas ang pangarap ko sa kanya, sya din ang magmamana ng buong hacienda Villazar, mabait na bata ka naman, at maganda ang relasyon namin ng mga magulang mo, maganda rin ang re...

"Mawalang galang na, pero ano po ang gusto nyong sabihin?"  sabi ng binata sa Don.  Bigla namang natawa ang matanda sa sinabi nito.

"Gusto kong  layuan mo sya!  Wala kang maipapakain sa kanya kundi puro kahirapan lang, hindi kayo pwede!  Hindi ka pwede sa kanya!  At sana hindi ito ang magiging dahilan kung bakit magkakasira kami ng mga magulang mo!"  mahabang litanya ng Don.

 

Walang nagawa ang binata  kundi pagbuntunan ng galit ang hawak nyang towel at nakita nyang tumalikod ito. 

Akala nya ay magtutuloy-tuloy na ito ng lakad pero bigla itong huminto at nilingon ulit sya.

"Sya nga pala, MALAPIT NA RIN PALA SYANG IKASAL!"  seryosong sabi ng Don kay Xander, iyon lang at mabilis na naglakad paalis ito.

Walang nagawa ang binata kundi ang suntukin ang lupa.  Galit ang nararamdaman nya ngayon.  Isa ito sa dahilan kung bakit iniiwas nya ang sarili sa pag-ibig.  Ayaw nya sa mga mayayaman na nang-aapi ng mga mabababang mga tao.

 

Tama ang nanay nya, kaylangan nya nang patayin ang nararamdaman nya para sa dalaga habang maaga pa kung hindi ay parehas lang silang mahihirapan sa bandang huli.

 

 

Cielo's  POV

 

"Daddy, gotta go."  Masayang sigaw ni Cielo sa Daddy nya bago umalis ng bahay.  Pagkalabas at pagkalabas nya ng hacienda ay agad na tumingin-tingin sya sa palagid para hanapin si Xander.   

Alam nya kasi na nasa paligid lang nito ang binata at hinihintay sya.  Isa pa, lagi naman itong nauuna sa kanya.  Pero ganun na lang ang lungkot nya ng hindi makita ang taong hinahanap nya.  Kaya nagpatuloy na lang syang naglakad papunta ng eskwelahan.

 

"Cielo, Mariz and Faye, maiwan kayo, okay class dismiss"  narinig kong sabi ng professor ko. 

 

Buong period ata ng mga subject ko ay puro siya nalang ang nasa isip ko.  Hindi ko kasi sya nakita buong maghapon.  Inayos ko na ang mga gamit ko para umalis. Lalabas na sana ako ng classroom ng bigla akong tinawag.

 

"I told you not to go yet Cielo."  Agad naman akong bumalik at umupo sa upuan kung saan kaharap ang table ni Mrs. Cruz.

 

"One week from now is the University Cup na gaganapin sa kabilang siyudad.  I choose you three to be part of our school's medical team since our university is in charge of the medical committee. So I want you to grab the opportunity for this extra-curricular activity and for your practice purposes as well.  Is that okay with you?" 

Sabay-sabay naman kaming sumagot.  Iyon lang at lumabas na kami ng classroom.

 

Habang naglalakad ako sa corridor ay may narinig akong mga naguusap-usap.  Grupo sila ng mga kababaihan.  Huminto ako dahil ito rin ang mga babae na madalas pag-usapan si Xander.

"Alam nyo na ba ang balita?"  sabi nung isa na maikli ang buhok.

 

"Si Xander at Jacky na!"  pagdudugtong pa nito.  nabigla naman ako sa narinig ko.

 

"O talaga  paano mo naman nalaman?  Totoo ba yan?"  pagkukumpirma nung babae na kulot ang buhok.

 

"Oo, saka marami raw ang nakakita sa kanila sa canteen na magkasamang kumain, todo ingat pa nga si Papa Xander sa kanya ehh"  sabi nung maikli ang buhok.

 

Nabigla naman ako sa narinig ko mula sa kanila, paano kung totoo ang sinasabi ng mga to.  Pero ano naman kung magkaganun nga.

 

"Pero akala ko ba nililigawan nya si Cielo?"  sabi naman nung mahaba ang buhok.

 

"Ewan, baka nagsawa na sya don" 

 

Naglakad na lang ako papunta sa isang lugar kung saan ay matatagpuan ko sya.  Gusto ko syang makita.

 

Naghihintay ako dito sa baba ng hagdan ng building ng college of accountancy.  Nakita kong pababa si Mj at may mga kasama syang kaklase nya ata.  Agad ko syang nilapitan.

 

"O Cielo, anong ginagawa mo dito?"  nakangiti nyang sabi sakin.

 

"Ahh ehh  tatanong ko sana kung nandyan ba si Xander?"

 

"Nauna na sya sakin kanina ehh, ang alam ko may practice sila at malamang eh nasa soccer field na sya."  Sabi nito.

"Sige, salamat"  I smiled at him and proceed to the place he just said.

Masyadong malawak ang soccer field na 'to at halata naman na mahihirapan talaga akong hanapin sya.

 

Lumapit ako sa lugar kung saan naroroon ang mga nagpa-practice ng soccer.  Kaylan ko lang din nalaman na player pala si Xander ng Soccer team.  Habang palapit ako ng palapit sa kanila ay unti-unti ko nang namamataan si Xander na nakaupo kasama ng mga ka-teammate nya. 

Papunta na ako sa kanya ng may makita akong isang babae na lumapit sa kanya.  Si Jacky.  May dala-dala itong bote ng tubig at iniabot iyon kay Xander.

 

 

Wala akong nagawa kundi ang huminto at panoorin lang sila mula sa malayo.  Xander is topless at kita dito ang pawisan na mga dibdib habang pinupunasan iyon ni Jacky.  I saw him looked at my direction at nagtama ang mga mata namin pero agad syang umiwas at tumingin kay Jacky nang nakangiti. 

 

Agad akong tumalikod at naglakad na palayo.

 

Sobrang sakit lang ang maramdaman na makita mo ang taong gusto mo na may kasamang iba.  Na tumatawa kasama hindi ikaw kundi ang ibang tao.

 

Dumiretso ako sa kubo kung saan madalas kaming tumambay ni Xander.  Alam ko naman na wala akong karapatan ehh na masaktan, pero bakit ganito, kahit anong kumbinsi ko sa sarili ko, I can't stop my self from hurting.

 

 

 

Third Person's  POV

 

 

"Dude, sasama ka ba sa club?"  si MJ habang nagbibihis.

"Pass muna ako, anong oras na rin, marami pa akong tatapusin."  Sagot ni Xander dito.

Kinuha na nya ang sports bag at nagsimula ng lumabas ng locker room nila.  Suot-suot ang jersey short at sando.  6 na rin pala ng hapon.  Sabi nya sa sarili.

Nakalabas na sya ng gate ng may marinig syang magsalita.

 

"Iniiwasan mo ba ako?"  sabi ng isang pamilyar na boses mula sa kanyang likuran.

Hindi nya ito pinansin bagkus ay nagpatuloy lang sya sa paglalakad.

 

"Anong problema mo?  May nagawa ba akong mali?  Bakit bigla ka nalang nagbago?"  garalgal na boses na sabi ng dalaga.  Nagtuloy-tuloy pa rin sa paglalakad ang binata.

"Ganyan ka ba talaga hah?  DUWAG KA XANDER!  ISA KANG MALAKING DUWAG"  sigaw nya.

Huminto na sya at hinarap ito.

 

"hindi pa ba halata?  Kaylangan ko pa bang sabihin sayo?  Hindi pa ba sapat ang mga kinikilos ko?  AYOKO SAYO!  Kaya lang naman kita sinasamahan noon ay dahil amo kita!  At ngayon, tapos na ang obligasyon ko sayo!"  iyon lang at naglakad na sya paalis dito.

 

Para namang napako sa kanyang kinatatayuan si Cielo.  Sobrang sakit ng nararamdaman nya ngayon.  Nakatitig lang sya sa lalaking papalayo sa kanya.

 

 

Flashback

"Ano ba ako sayo?"  tanong ni Cielo sa kanya.

 

Napahinto ang binata sa paglalakad at tinignan sya.  Nakangiti itong lumapit sa kanya at inakbayan sya.

 

"Hindi ko rin alam"  bigla namang nalungkot ang dalaga sa sagot na iyon ng binata.  Sa totoo lang ay sya naman ang may kasalanan.  Hindi nya dapat binibigyan ng ibang kahulugan ang mga ginagawa nito.

"Pero masaya ako tuwing nakikita kita at nakakasama kita..."  sabi nya habang nakatingin sa kanyang mga mata.  Pagkatapos ay likod na lang ng binata ang nakikita nya habang papalayo sa kanya.

 

 

End of flashback